ماذا تعرف عن الواسطه

مرحبااااااااا شخابيط

موضوع النقاش الواسطه

انت مع الواسطه اوضدها

*ماذا تعرف عن الواسطة ؟؟*

وهذي قصه

القاضي و راعي الدجاجة

*

جاء رجل ومعه دجاجة مذبوحة ( يعنى ميتة ) وكان رايح (لمحل الدجاج)

عند راعي الدجاج علشان يقطع الدجاجة فقالة راعي الدجاج خلاص روح لك

ربع ساعة وتعال لي تلقاها جاهزة

قاله صاحب الدجاجة : خلاص اوكى*

*

فمر قاضى المدينة على راعي الدجاج وقاله :عطني دجاج

قاله راعى الدجاج : والله ماعندى الا هذى الدجاجة وهى لرجال بيرجع الحين

قاله القاضى : خلاص عطنى اياها واذا جاك صاحبها قول له الدجاجه طارت

قال راعى الدجاج : وشلون مايصير؟؟ هو جايبها ميته كيف ؟؟؟

قالة القاضى : اقول لك قول له كذا ولا عليك وخليه يشتكى ولا يهمك

قال راعى الدجاج : اوكى والله يستر*

*

جاء صاحب الدجاجة عند راعى الدجاج وقال له وين دجاجتى ماخلصت

قالة راعى الدجاج : والله دجاجتك طارت

قال صاحب الدجاجة : وش تقوووول كيف؟؟؟ صاحى انت... أنا جايبها ميتة

وصار بينهم شد في الكلام وبغوا يتهاوشون

فقال صاحب الدجاجة : امش معاى للقاضي علشان يحكم بينا هناك ويطلع الحق *

*فراحوا للقاضي وعند ذهابهم للقاضي في الطريق شافوا اثنين يتهاوشون

واحد مسلم والثاني يهودي

فجاء راعي محل الدجاج يفرع بينهم ( يعنى يفرق بينهم ) ولكن إصبعه

دخلت في عين اليهودي وفقعها )وفقئها(

فتجمع الناس ومسكوا راعي محل الدجاج وقالوا هذا اللي فقع عين اليهودي

فصارت القضية قضيتين فوق رأسه *

*

فجروه للمحكمة عند القاضي فيوم قربوا من المحكمة حاول يفلت منهم وهرب

وجروا وراه يلحقونه يبون يحاكمونه لكنه دخل في مسجد وهم وراه

وركب فوق المنارة وهم وراه آخرتها طمر (نقز) من فوق المناره إلا وهو على شايب

محل الدجاج عليه فمات الشايب من أثر طيحت راعى *

*

فجاء ولد الشايب وشاف أبوه ميت فلحق راعى محل الدجاج ومسكه هو ومعاه باقي الناس

فذهبوا به إلى القاضي

فلما شافه القاضي ضحك يفكره علشان سالفة الدجاجة

مادرى أنه عليه ثلاث قضايا

1) سرقة الدجاجة

2) فقع عين اليهودي

3 ) قتل الشايب

*

فعندما علم القاضي مسك راسه وقال عز الله انك جبت العيد

فجلس يفكر القاضي وقال خلونا ناخذ القضايا وحدة بوحدة*

*

المهم نادى القاضي صاحب الدجاجة

قالة القاضي: وش تقول في دعواك على راعى محل الدجاج

قال صاحب الدجاجة : هذا ياقاضى سرق دجاجتي وأنا معطيه إياها وهى ميتة

ويقووووول إنها طاااارت كيف ياقاضى؟؟

قال القاضي : هل تؤمن بالله

قال صاحب الدجاجة : نعم أؤمن بالله **

قال له القاضي : ( يحيي العظام وهى رميم)
قم مالك شي

جيبوا المدعي الثاني

*

فجابوا اليهودي وقالوا هذا يا قاضى فقع عينة راعى الدجاج

فجلس القاضي يحوس ويفكر ويطلع وينزل,,,,,**

فقال القاضي لليهودي : دية المسلم للكافر النصف يعنى نفقع عينك الثانية**

علشان تفقع عين وحدة للمسلم (راعى الدجاج )

فقال اليهودي : خلاص أنا أتنازل ماعاد أبى شي منه

فقال القاضي : عطونا القضية الثالثة *

*

جاء ولد الشايب اللي توفى وقال : يا قاضى هذا الرجل طمر على أبوى وقتله **

ففكر القاضي وقال : خلاص روحوا عند المنارة وتركب أنت يالولد فوق وتطمر

على راعى الدجاج**

فقال الولد للقاضي : طيب وإذا تحرك يمين ولا يسار يمكن أموت أنا

قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟

*
*
*
مايستفاد : مهما جبت العيد ومهما كانت الجريه، هناك دائما من يستطيع
<.>> اخراجك منها مثل الشعره من العصيدة
<< اول مره اسمع بهالمثل خبري به غير كذااا

المهم

ابي اعرف وجهة نظركم من الواسطه

فيتامين واو على قول الاغلبيه

الواسطه وماادراك ماالواسطه ..

تدري ان هذا الشيء حنا اللي جبناه لنا

رضينا به لان مجتمعنا كلكل مجتمع ماعنده رفض

وماعنده ثقه انه يوقف بوجه الخصم لان المجتمع مجتمع بوليسي بكل شيء ..

مجتمع اهم شيء فلوسي .. وياريت له هالفلوس

الا افلوس من وراه نهب وخدعه وفي من ياكل من وراه بدون علمه او بالسياسه ..

مجتمعنا مجتمع فاشل بكل المقايس

مافيه عقل علشان يعرف الصح من الغلط ..

مايدري ان كل شيء بالارض له وكل شيء محاسب عليه..

طبعا ضد هالشيء لو معه كان من زمان تغير الوضع ..

على العموم مشكووووووووووووووووره العنيده .
يعطيك العافيه ..

مرجوجــــــــــــه

كلامك صحيح ميه بالميه

لكن حاليا اذا مابتمشى بالواسطه

راح تسكن حياتناا

لان حاليا لا شهاداة ولاقدرات
ولااااا هوايه ولاتفوق

فقط الواو موجوده

صحيح مو بكل المجالات

لكن اهم شي انها داخله بحياتنا

شي منبوذ في المجتمع

رغم حاجتنا له حاليا!!!!!!!!!

لان صرنا نساير ونتعامل مع الصفه المنبوذه

بسبب حاجتنا للحياهـ

مشكوره مرجوجه تفاعلك مع الموضوع